【自煮自救】3大揀急凍牛扒要點 雪櫃底尋寶未必好

複製連結 分享
凍肉店老闆Cool Sir今次教大家揀急凍牛扒。
選擇牛扒,不少人都會用「雪花」作標準,但其實不一定應用在每一款扒。
和牛類就大多油脂比較多分布亦較平均,油花亦比較細密,口感比較鬆化有入口即溶的感覺,所以和牛好壞多以油脂分佈決定。
美國Prime卻不同,油脂本身就較和牛少,所以唔好以為少雪花就唔靚,其實只要分佈平均即可,而其肉味油脂平衡,亦是Cool Sir最愛。
草飼牛以放養為主,活動多而油脂少,雖然口感較硬,但卻有最天然的牛味,亦是生酮飲食的良品。
不少人選急凍食物時都愛在雪櫃底「尋寶」,感覺越底會越凍,保存得越好,Cool Sir就話這觀念其實是錯的,反而是留意日期及包裝完整更重要。
如買急凍食物後要長一點時間才回家,可以在冰袋中放一些較大雪得較硬的,當作「冰種」,例如雞或湯類都有極佳的保冷效果。
選急凍牛扒時,要留意保持真空包裝,肉的表面不要起霜,太黑或太深色亦不是好選擇。
武漢肺炎疫情持續,政府政策彈出彈入,想出街食晚飯都不知要等到何時何日。不少「無飯家庭」都被迫變「有飯家庭」,急凍食物成為了日常必需品,其中牛扒簡單易煮又易保存,不過點揀又是另一門學問,凍肉店老闆 Cool Sir今次就給大家一些小貼士。
「急凍牛扒主要都是肉眼和西冷,其中肉眼是牛第6至12支肋骨的背側位置,油花相對豐富,口感會較軟;西冷的標誌,是牛扒上方的一條大脂肪,其實它是牛的下腰腹位置,活動較多,所以肉質會比較粗,但更有口感和肉味。」Cool Sir說。

佈滿雪花 一定優質?
選擇牛扒,不少人都會用「雪花」作標準,但其實不一定應用在每一款扒上,Cool Sir說:「肉眼也分不同種類和產地,好像『和牛』類就大多油脂比較多,分佈亦較平均,油花亦比較細密,口感比較鬆軟,有入口即溶的感覺,所以和牛好壞,多以油脂分佈決定。」不過美國Prime卻不同,油脂本身就較和牛少,所以別以為少雪花就唔靚,其實只要分佈平均即可,「每隻牛只有2%肉可列作Prime等級,肉味會較和牛濃。」

Cool Sir更以草飼牛作例,草飼牛以放養為主,活動多而油脂少,雖然口感較硬,但卻有最天然的牛味,亦是生酮飲食的良品,所以不能單靠「雪花」定奪牛扒好壞,而是要按種類和自己口味,「我會揀美國Prime,肉味口感兼備。」

較凍較新鮮 寶物櫃底尋?
不少人選急凍食物時都愛在雪櫃底「尋寶」,感覺越底會越凍,保存得越好,Cool Sir表示這觀念其實是錯的,「商用雪櫃能確保雪櫃內保持相同溫度,不會越底越保存得好,與其『尋寶』,不如留意日期及包裝完整。」另外,他又提醒大家,如買急凍食物後要長一點時間才回家,可以在冰袋中放一些雪得較大較硬的食物,當作「冰種」,例如雞或湯包都有極佳的保冷效果,捱多幾小時也沒問題,但當然可能會比較重喇。

買靚扒 睇真啲
【真空包裝】有別於新鮮牛扒,急凍牛扒的真空包裝相當重要,因為能保持牛扒不會因接觸空氣而變質,亦能保存更長時間,千萬不要貪平,買包裝破損漏氣的特價貨。
【肉面起霜】Cool Sir說:「牛扒表面起霜,某程度上已代表過度雪藏,會影響肉味和質感。」
【牛肉顏色】牛扒帶鮮艷顏色固然最好,但有輕微小量黑色也不用太擔心,因牛肉帶酸性,處理過程難免會稍稍接觸空氣而令牛扒氧化呈黑色,但若整塊變黑或太深色就不要買了。


記者:韓繼聰
攝影:果籽攝影組


-----------------------------

K Kwong點評20個本地口罩 教你5大驗罩秘技

購罩前必睇《化學博士K Kwong口罩檢測全攻略》

-----------------------------

8大專家教你煲防疫靚湯 步驟簡單2小時煲好

《提升免疫力 防疫湯水加強版》 即睇即煲

-----------------------------

馬路趣事 車界大小事

CarMan吹水台一齊傾吓偈

-----------------------------

英文版已登錄新版《蘋果》App按此下載/更新