懷孕宜忌|抗抑鬱藥物對BB有冇影響? 懷孕前要了解吃藥與停藥風險

複製連結 分享
精神科專科林煒醫生

教授A是一位知識淵博、有豐富臨床經驗而又受人尊敬的教授,大夫年輕時有幸上過他的導修課(tutorial)。那一堂他是在指導醫學生如何應對一些病人常問的問題,以下是導修堂的節錄,女病人是由有另一位女學生角色扮演,她扮演一位正在服用抗抑鬱藥物的抑鬱症康復女病人。

 


 

病人:「醫生我可唔可以生BB呀?」

 

醫生B(醫學生扮演):「你現在抑鬱症已經康復,當然可以生BB啦。」

 

乖乖不得了!醫學生的句子還未說完,教授A立即大發雷霆,把談話打斷。大聲地對於學生連珠炮發:「你有冇睇清楚究竟佢食緊乜嘢抗抑鬱藥物㗎?你又有冇睇清楚呢一種抗抑鬱藥物病人如果懷孕是對胎兒有咩影響呀?」醫學生面露尷尬,低頭不語。

 

教授A於是用了大概十分鐘解釋各種抗抑鬱藥物懷孕時期對胎兒的可能副作用,之後亦詳細講解了吃藥與不吃藥的好處和壞處,最後他亦詳細解釋了產後抑鬱症等等的風險。醫學生們對教授A的講解都十分滿意,紛紛點頭,露出滿意的笑容。

 

 

教授繼續說道:「作為醫生,我們在醫學道德倫理上是不應叫病人生育或者不生育的,我們的角色是以專業知識解釋給病人知道她吃藥與不吃藥的好處和壞處和相關的風險。另外,我們亦都需要詳細解釋給病人知道如果吃藥和不吃藥病情復發的機會及藥物的相關副作用,生育與否應該留給病人作決定。」

 

「其實即使冇病,我覺得大家生仔之前,都最好有心理準備,以及一個周詳的計劃,以減少懷孕時及懷孕後的壓力。例如會唔會安排坐月?BB出世後的照顧怎樣安排呢?是否有工人姐姐呢?爺爺會否幫手湊BB呢?之後的教育怎樣安排呢?有甚麼打算呢?先生又準備好未呢?經濟上許可嗎?又會否給你太大壓力呢?……」


醫學生們紛紛互相對望,慶幸自己上了寶貴的一課,也為自己未來的寶寶上了寶貴的一課。

 

撰文:林煒醫生 

精神科專科