【武漢肺炎】街市連環爆疫 食環署拖足數日始清洗 檔主顧客齊轟反應慢

複製連結 分享
本報記者攝
本報記者攝
本報記者攝
本報記者攝
本報記者攝
本報記者攝
深水埗北河街街市早前有顧客及檔販確診。本報記者攝
本報記者攝
香港爆發第三波武漢肺炎疫情,本周起碼有3個街市都出現商販及顧客染疫。香港大學感染及傳染病中心總監何栢良昨日(16日)促請政府應將有確診個案出現的街市休市數日,並安排全面清洗街市。食環署今晚7時關閉牛池灣街市及北河街街市,進行深層清潔消毒,較平日提早一小時關閉。

食環署昨晚公佈,今晚會為牛池灣街市及北河街街市進行「深層清潔消毒」,身穿保護衣及防護面罩的食環署人員晚上7時到達街市,為街市的公用地方及設施進行徹底清潔及消毒,又在街巿外圍及附近街道進行深層清潔。

相關新聞:
【武漢肺炎】慈雲山街市休市大消毒 義工憂檔販小貓安全欲入內救援遭拒


檔主:食環應定期街市清潔消毒

牛池灣街市的花檔檔主曾小姐認為,食環署應為所有街市清潔及消毒,「積極預防囉,咁都要發生咗先有得做咁樣消毒嘅」。曾小姐指上周起街市的人流明顯減少,「呢兩日更加嚴重,少咗八成,但呢啲係天災,都無辦法啦,無得怨㗎呢啲。」然而她認為,即使食環署到街市全面消毒,幫助仍然不大:「最緊要都係大家自律,咁街市本身都污糟」,她認為署方應最少一星期清洗街市一次。

生果檔檔主黃先生認為,食環署不算太遲才行動,然而自第三波疫情爆發後,他坦言生意額亦大跌七至八成:「一日比一日少人,希望今次洗完街市之後,啲人會對返呢個街市有信心。」他認為食環署若定期到街市清潔消毒,幫助會大很多:「起碼都兩個星期一次」。
他又指,過去街市或有年長顧客會除下口罩談話,但近期這個現象已減少了很多。


客人:今晚才大清洗「有啲遲」

到街市買餸的吳小姐認為,食環署今晚才到染疫街市深層清潔消毒是「有啲遲」:「係咪應該爆咗第二日就洗會好啲?」又指「洗好過唔洗,但街市好多人出入,洗咗係安心少少,但太多人聚埋一齊都會危險。」她指過往到牛池灣街市買餸「好逼」,今日則少了很多人。

顧客劉先生同樣認為,食環署今晚才洗街市是比較遲,住在附近的他表示,自牛池灣也出現確診個案後,已很少到該處買餸。他更稱,由於該區疫情爆發嚴重,已打算與家人暫時搬離,到別區居住,「等無乜嘢之後先搬返過嚟」。

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新