【武漢肺炎】慈雲山街坊摸門釘嘆如「封城」 餐廳東主轟港府抗疫差致被逼停業

複製連結 分享
慈雲山連日來有多宗確診個案,管理慈雲山中心的領展宣布,商場及街市今(17日)關閉兩天消毒,將於周日(19日)早上6時半重開。本報記者攝
大批街坊「摸門釘」,炎炎夏日,有想經商場回家的街坊需繞路而行。本報記者攝
有手搖飲品店「落閘」,並於門外貼上告示,通知街坊將會停業四天。本報記者攝
慈雲山連日來有多宗確診個案,管理慈雲山中心的領展宣佈,商場及街市今(17日)關閉兩天消毒,將於周日(19日)早上6時半重開。大批街坊「摸門釘」,炎炎夏日,有想經商場回家的街坊需繞路而行。有街坊認為關閉商場及街市大清洗較令人安心,不過有於慈雲山經營餐廳的東主狠批,港府抗疫做得差,才會屢屢影響民生。

慈雲山商場及街市今天起關閉,記者今午到場視察。商場、街市及商場範圍內所有商舖,包括便利店、快餐店、手搖飲品店等全部「落閘」,並於門外貼上告示,通知街坊將會停業兩天。有麵包店職員在關店前,在店內戴上口罩及面罩盤點貨品,並清洗麵包盤等用具。由於商戶仍可進出商場,商場各個出口均有保安為商戶量體溫。唯一仍然「亮燈」的,是銀行24小時提款舖位。


居民頻摸門釘 但認同領展決定

雖然多家店舖均貼出告示,但仍大批街坊「摸門釘」,當中大多為長者。有伯伯到商場外後才發現已關門,隨即指「封城呀?想買麵包都無得買!」,亦有婆婆希望到街市吃粥,但可惜失望而回。

炎炎夏日,不少打算經商場回家的街坊均失望而回。居於慈正邨的唐小姐剛於毓華里買菜及一把地拖,欲經商場回家。她指,毓華里人流的確比平日多,「買嘢嘅人多咗,反而賣嘢嘅人少啲」。對於領展關閉商場及街市,她指會尊重其決定,「咁始終小心啲好啲嘅!」,她自己都會減少外出,「而家買一日食幾日㗎喇,我都諗住快啲返屋企」。另一街坊江小姐打算來街市附近餐廳用膳,亦只好打道回府,但認為關閉清洗有好處,「咁都安心啲嘅,消下毒」。

居住慈雲山的丁先生剛於商場附近的毓華里購買一袋洋蔥後,原本打算到街市買檸檬,但到達才知道商場已關門,「咁而家又落返毓華里搵囉惟有」。他指,對區內確診個案感到擔憂,惟有加強清潔,「咪返到屋企用多啲酒清、抹下啲門柄呀咁囉」,不過指自己仍然會出外買菜,「咁都要生活㗎!」


餐廳店東怒斥政府防疫無能

於區內經營餐廳的Alex,原本打算經商場到小巴站,不料商場關閉,惟有繞路而行。被問到關閉商場及街市後會否令他較安心,他批評指此舉反映港府抗疫工作不佳,「政府做好啲咪唔使閂囉!點解要掉返轉頭行?唔係話影唔影響到自己,係應唔應該咁做」。Alex怒指,自己餐廳原本只經營晚市、宵夜時段,因區內確診個案而停業一個多星期,現時禁堂食令更雪上加霜,「(外賣)都圍唔到本、又蝕人工,咁做黎做咩?做到咪做,做唔到咪執咗佢囉」。

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新