【武漢肺炎】專家促港即場檢測所有入境者兼隔離 盧寵茂大讚強國控疫非常出色

複製連結 分享
港大深圳醫院院長盧寵茂以「山林大火」比喻本港疫情,建議政府應參考内地,提高病毒檢測量至每日2萬個。
港大深圳醫院院長盧寵茂以「山林大火」比喻本港疫情,建議政府應參考内地,提高病毒檢測量至每日2萬個。
港大醫學院內科學系臨床教授孔繁毅認爲政府應收緊各邊境的感染控制措施。
本港爆發第三波疫情,多宗確診個案感染源頭不明,武肺已在社區爆發。港大醫學院內科學系臨床教授孔繁毅出席港台節目《城市論壇》時稱,武肺病毒已出現變異,有機會增加病毒傳染性,而父親節後放寬防疫措施,加上不少無病徵病人,致社區爆發。他又稱,近日入院病人的病毒量比第一、二波疫情更高,「一毫升嘅情況睇到接近成1億或10億個病毒數量」。他建議政府應收緊各邊境的感染控制措施,包括所有入境香港人士均需要進行病毒測試及家居隔離,全民亦要戴口罩。

醫學會會董老人科專科醫生佘達明估計,疫情最少持續多半年至一年,又形容病毒傳染性高,「完全冇爆發係冇可能」,只希望可以降低社區感染人數。對於有護老中心出現感染群組,他估計是有員工「惹到」病毒再帶返安老院。


盧寵茂大讚內地控疫非常出色 港應學習

面對第三波疫情襲港,港大深圳醫院院長盧寵茂以山林大火比喻疫情發展,「一棵樹會燒第二棵樹,一路咁傳過去,首要就係救火,但純粹救火係唔得,要做一啲隔火區……就好似防疫(工作)要做到隔離,上次控制到疫情,救熄咗啲火啦,但就冇做好下一(工作)……社區有冇一啲隱形帶病毒嘅人,一定要做篩查先做到,另一個我哋冇做好係外來再輸入,有啲火種再嚟到,再令到啲樹着火。」

他指出,武肺爆發初期,大家注意力集中於內地,「毫無疑問個病最初喺係內地發展,亦都傳過嚟第一波」,但到第二波疫情是來自歐美國家及南亞地區。面對第三波疫情,他認為需加強口岸檢查,包括來自高風險地方人士都不應該豁免強制檢疫,訪港前亦需提供核酸測試結果,亦需要及早找出隱形病人,及早診斷、隔離及治療,「內地返嚟香港嘅人基本上係冇新症,反而歐美國家係好大量……歐美大爆發,我用四個字係一塌糊塗,仍然喺好大規模爆發」。

不過,盧寵茂批評,港府在處理入境人士政策有漏洞,大讚內地在控制疫情上非常出色,香港應學習,「內地係今次疫情控制非常出色,比起所有歐美國家……香港絕對應該去學習。最近北京嘅疫情爆發……但係好短時間之內已經完全控制咗……病人隔離做得好到位,將一啲高風險區定為高危地區,然後真係做到個隔離,第二樣嘢做咗好大量核酸測試,北京係疫情爆發之後一個禮拜內,做咗接近900幾萬個核酸測試。」


盧寵茂倡港檢測增至每日2萬
「追番國家標準」

盧寵茂認為,現時香港不少地區已有確診個案,現階段應提高病毒檢測量,「7,500個夠唔夠呢?如果疫情冇爆發,作為篩查可能會足夠,但當疫情已經爆發,有咁多個區……7,500唔應該作為滿足嘅上限」。他建議參考內地標準,每日進行2萬個病毒檢測,「內地現時每日做378萬個核酸測試,以香港人口睇,每100萬人做2,500個,要追番國家標準,香港應該要每日做接近2萬個核酸測試。」

但他認為,政府現時收集深喉唾液樣本會有延誤,而市民自行提交樣本亦會成感染風險,「收集樣本要好小心,要跟方法做,而家好大個問題,就係做篩查嗰啲,係自己攞咗返屋企,由佢自己吐(唾液)先再交番去……樣本本身準唔準確?」他認為要即場採集樣本,「留口水自己送去收集點,好大風險,如果其中一個係陽性,呢個人可能坐巴士、的士去到收集點,途中可以帶嚟好多污染、感染。」

孔繁毅亦認為,為提高準確性,當局應即時採集檢測樣本,又建議若有屋邨有多名確診患者,應全邨進行病毒檢測,及早找到隱形患者。本身是護士的醫管局員工陣線主席余慧明亦認為,政府應在沙田及慈雲山進行大規模病毒檢測。


醫護均建議暫停書展

貿發局表明今年書展將如期舉行,盧寵茂質疑,現階段為何仍如期舉辦書展,「東京奧運一個咁重要、咁大規模嘅都要遲一年,睇唔到點解書展必須係呢個時候去開。」余慧明認為書展需延期,「點解大家覺得書展可以安全進行,睇番過去一啲數字,一星期書展可以有過百萬人次,如果有一個或10個確診者入過去,可能會造成大規模爆發。」

-----------------------------
7.12民主派初選
全港逾250個票站 7月12日 9am至9pm開放
票站地址按此一覽地圖版
初選名單一Click即睇
-----------------------------
足本重溫《蘋果》等4間網媒合辦的初選論壇
港島九東九西新東新西超區
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
App內1-Click訂閱《蘋果動新聞》
按此了解更多