【和你抗疫】撳𨋢神器:原子筆、膠水樽、打火機 專家答你邊款最有效

複製連結 分享
以往大家都爭着在升降機內按鍵,如今人人都唔想再接觸按鍵。
有蓋原子筆用作撳(車立)神器時,要先拆除筆芯,有空時也要消毒筆尖。
膠水樽撳(車立)神器原理是利用樽內的消毒搓手液為海棉位消毒,但醫生質疑海棉位的滲透力。
打火機按鍵後要點火消毒數秒,但醫生表示不太肯定其消毒效果。
感染及傳染病科醫生林緯遜在3款撳(車立)神器中,覺得有蓋原子筆較可取,但他會選擇直接用手指按升降機按鍵然後即洗手。
以往大家一入升降機即會搶位按自己想去的樓層,見有人從遠處想跑來入升降機,即會以九秒九速度按下關門掣。不過今時今日,香港終於變成「禮貌之都」,大家既不會爭按電梯按鍵,甚至乎連樓層按鍵都唔想接觸,原因好簡單:就是武漢肺炎。

但始終香港的升降機還未先進到可以聲控,按鍵始終都要按,於是有人就想到不同方法,利用其他物件代替手指按鍵,例如使用裝入消毒搓手液的膠水樽、利用有蓋的原子筆以及打火機,到底哪個方法較可行?感染及傳染病科醫生林緯遜就有以下意見。

林醫生表示有蓋原子筆會較可行,「筆尖接觸位較小,用後又以筆蓋遮蔽。」至於利用注入消毒搓手液的膠水樽,網民稱可以樽內的搓手液為海綿位消毒,但林醫生質疑海棉頭的滲透力,甚至有機會讓細菌停留在樽上。有人另提出以打火機按鍵,然後「撻火」數秒消毒,不過林醫生並不建議這個方法,因不太肯定數秒鐘火燒的消毒效果。

三個方法中,似乎以有蓋原子筆最好,不過林醫生自己會選擇直接用手指按鍵,然後馬上洗手清潔。

記者:布偉倫、梁志穎
攝影:伍慶泉
編輯:鄒仲安

-----------------------------
全民自救・和你抗疫
速睇《全民自救抗疫手冊》
-----------------------------
十三萬即搬秘技・成功個案分享
《移居泰國手冊》逃走他鄉
-----------------------------

《果GYM》隨身播  健身壹App過!

NIKE特選課堂 2-4月期間限定
一按即玩