中醫說理|磨粉打粉方便養生?不了

複製連結 分享
路過舊商場、街巿,健康食品店的產品都會有一種近代變得流行的食法,就是把食材打粉或變做粉劑!患者久服這些產品後,很多不但沒有改善,還出現其他不同症狀。
診症後,患者問:醫師,食咩可以袪濕?
我:與其食嘢袪濕,不如休息多啲,運動多啲,戒零食,戒濃味,效果會更好。你可以每日早午晚都拉2分鐘筋,同埋……
患者打斷強調: 我係想知食咩袪濕,又適合我體質。
我平淡講:咁平平和和,新鮮淮山,陳皮焗水……
患者打斷:我食好多依啲,都無效。
我微笑講:咁都要睇其他嘢有無配合,戒濃味嘢……(我意圖重申本來想講的,但不成功)
患者打斷:我幾乎食齋咁,你講嗰啲嘢我每日都沖嚟飲……
我微笑打斷:即係打粉嗰啲,就唔係新鮮自己煮?
患者:佢話有機無任何防腐添加劑。
我:噢……明白,打咗粉,再加上香港天氣,依啲嘢好易幾個星期就發霉!你嗰啲食到幾耐?
患者聲細:食咗成年都無變呀。
製作過程影響屬性作用,食物入肚,不易吸收的成份,多數排出。打粉後,易吸收的更易吸收,但不易吸收的成份,也變得易吸收。這樣,食物功效,就有可能異於書本的記載。
我在門診中,很多患者,長期服用淮山苡米粉後,脾胃未見好轉,濕氣反增,部份患者更反映血糖比之前更浮動。
另外,近年土地污染和農藥,情況令人擔憂,直接把藥材打粉,石斛、田七、丹參……即使有原本功效, 污染物卻比傳統煎劑更更更易被吸收,在原來病患上增加其他問題。
撰文:註冊中醫師陳俊傑