【本報訊】香港急症科醫學院院長蕭粵中與近50名醫護界跑手，在今年渣馬自組「醫護任何人」團隊，希望在賽道上協助出現心臟停頓的跑手，第一時間提供急救支援，有重任在身，他說，今年比賽時有多留意跑手的狀況，「見到有人跌親，我都會即刻望多兩眼，見佢起返身，無乜嘢，我先繼續跑，有時候都要一眼關七」。他指，雖然團隊原意是協助急救，但亦有跑手在賽事期間向成員諮詢健康意見，成員都樂意解答。
蕭指，團隊成員已有心理準備，有機會為提供急救支援而影響比賽成績，甚至無法完成賽事，但最重要並非成績，而是其他跑手的安全，能感受馬拉松氣氛已經足夠，今屆比賽亦幸好意外較少，團隊成員成績並未受到影響。他說，賽後有其他醫護界跑手表示有興趣參加團隊，下屆比賽有機會再次見到「醫護任何人」的身影。

其實除醫護人員外，一般跑手亦應學習急救方法，蕭稱，一旦在賽道遇到有人心臟停頓，就能及時協助，達到真正的「任何人」精神。而且學習急救，不僅能用於馬拉松比賽，「你唔知道幾時需要呢個技能去幫身邊嘅人，有啲個案，病人屋企暈低咗，但問題係家人唔識做急救，就錯過咗拯救嘅機會」。他期望能透過「醫護任何人」團隊帶出訊息，令普羅大眾更願意學習急救知識。
■記者何家朗
想輕輕鬆鬆健康啲，記住留意健康蘋台
health.appledaily.com.hk/