馬上成為壹會員
會員專區 只限會員閱讀

忍痛九個月 主婦單手煮飯

複製連結 分享
骨科專科醫生黃仕雄指有女病人忍肩膀痛楚九個月,最終求醫,但因病情嚴重,要進行微創內窺鏡鬆解手術。朱家駿攝
骨科專科醫生黃仕雄指有女病人忍肩膀痛楚九個月,最終求醫,但因病情嚴重,要進行微創內窺鏡鬆解手術。朱家駿攝
【本報訊】肩膀疼痛未有理會,隨時影響日常生活。一名40多歲的家庭主婦,強忍肩膀痛楚九個月,直到左肩出現僵硬,左手失去大部份活動能力,不能梳頭、扣bra帶,自理能力變差,連煮飯也要單手運作,最終求醫,但因為冰封肩情況嚴重,接受微創內窺鏡鬆解手術才能復原。
骨科專科醫生黃仕雄表示,該名女士肩痛多月但未有求醫,「初初開始係少少痛,就去做針灸,痛少咗啲,但之後慢慢變到隻手緊咗」。雖然肩膀繃緊,最初對生活影響不大,因為她轉用右手,但之後因為疼痛,更加不郁動,結果關節活動能力惡化,自理能力開始受到影響,「抬唔到手,着衫有困難,梳唔到頭」。日常做家務也有影響,煮飯要用單手,工作效率大幅減低。

由於日常生活受肩膀活動能力減弱影響,該名女士情緒亦大受困擾,甚至患上情緒病。其後向骨科醫生求診,確診冰封肩,並接受磁力共振等檢查,排除肌腱撕裂等情況,斷定冰封肩為原發性。由於肩膀的情況嚴重,已出現嚴重僵硬,加上她想更快康復,決定接受微創內窺鏡鬆解手術。黃指,該手術需時30分鐘,手術後病人關節活動能力能即時有大改善,病人可即日出院。不過,為預防關節再度僵硬,術後要進行數周物理治療,亦要在家中做伸展運動。

■記者嚴敏慧
想輕輕鬆鬆健康啲,記住留意健康蘋台
http://health.appledaily.com.hk/